Matokeo Rasmi Musoma

Taarifa rasmi iliyotangazwa na msimamizi wa uchaguzi wa Musoma Mjini, saa 11:30 alfajiri hii, imethibitisha ushindi wa Vincent Nyerere wa Chama cha Demokrasia na Maendeleo (CHADEMA) kuwa mbunge mpya baada ya kumshinda aliyekuwa mbunge, Vedasto Mathayo Manyinyi wa Chama cha Mapinduzi (CCM).
Vincent Nyerere, mbunge mteule wa jimbo la Musoma Mjini, akihutubia mkutano wa uchaguzi uliyofanyika Musoma wakati wa kampeni za uchaguzi za zilizoisha juzi.

Matokeo rasmi ni haya:

1. Vincent Nyerere (CHADEMA) 21,335 (5.71%)

2. Vedasto Mathayo Manyinyi (CCM) 14,072 (39.38%)

3. Mustapha Juma Wandwi (Civic United Front) 253 (0.71%)

4. Chrisant Ndege Nyakitita (Democratic Party) 53 (0.15%)

5. Tabu Saidi Machibya (NCCR - Mageuzi) 19 (0.05%)

Source Muhunda

>>>>>>>>>>>>>>>>>>>>>>>

Mnyika ashinda Jimbo la Ubungo

Kwa mujibu wa matokeo yaliyotolewa na mmoja wa makampeni meneja wake, Edward Kinabo,mpaka sasa katika kata 14, Mnyika anaongoza kwenye kata 12 kwa kumzidi mgombea wa CCM, Hawa Ng'umbi kura 16,732.

Matokeo ya kata 2 za Saranga na Kibamba bado yanaendelea kujumlishwa na timu yake inayotumia fomu za matokeo halali ya kila kituo yaliyotolewa na NEC.Wakati huo huo wagombea udiwani wa Chadema kata ya Ubungo, Sinza, Saranga, Goba, Mbezi, Makuburi na Kibamba wanatarajiwa kutangazwa washindi wakati wowote kuanzia sasa baada ya kuongoza kwa kura nyingi.

Matokeo rasmi ya ubunge yanatarajiwa kutangazwa leo baada ya Nec na vyama vyote kukamilisha ujumlishaji unaoanza alfajiri hii Mabibo katika ukumbi wa shule ya sekondari Loyola.

Source: Jamii Forum. Taarifa hii ni kwa mujibu wa Mnyika mwenyewe